Hacıqabulda 30 yaşlı kişi bıçaqlandı

Hacıqabul rayonunda bıçaqlanma hadisəsi baş verib.

Avtosfer.az oxu.az-a istinadən xəbər verir ki, hadisə rayonun Navahı qəsəbəsində baş verib.

1983-cü il təvəllüdlü Natiq Tumarxan oğlu Abuşov qəsəbə ərazisində Ağcabədi şəhər sakini, 1995-ci il təvəllüdlü Qasım Kərəm oğlu Kərimovu döş qəfəsindən bıçaqlayıb.

Yaralı xəstəxanaya yerləşdirilib.

Keçirilən əməliyyat tədbirləri nəticəsində hadisəni törətməkdə şübhəli bilinən N.Abuşov saxlanılıb.

Faktla bağlı cinayət işi başlanıb.