Hoteldə yanğın olub, 14 nəfər ölüb

Hindistanın Qərbi Benqal ştatının paytaxtı Kəlküttədə hoteldə baş vermiş yanğın nəticəsində azı 14 nəfər ölüb, 13 nəfər yaralanıb.

Avtosfer.az xəbər verir ki, yanğın aprelin 29-da axşam saatlarına baş verib.

Ölənlər arasında xilas olmaq üçün yuxarı mərtəbələrdən özünü atanlar da var. Yanğınsöndürənlər bir neçə nəfəri, o cümlədən terrasa sığınanları qurtarıblar. Olay yerində 14 meyit aşkarlanıb, axtarış işləri davam edir.

İlkin ehtimala görə yanğın mətbəxdə qaz sızmasından meydana gəlib.