İki il əvvəl itkin düşən şəxs qətlə yetirilibmiş - Şübhəli saxlanıldı

Xaçmaz rayonunda 2023-cü ildə itkin düşən şəxsin qətlə yetirildiyi müəyyən olunub. Avtosfer.az-ın məlumatına görə, polis əməkdaşları tərəfindən keçirilən tədbirlərlə 1987-ci il təvəllüdlü Əmirəddin Əkbərovu ov tüfəngi ilə qətlə yetirməkdə şübhəli bilinən 1975-ci il təvəllüdlü Surəddin Həsənəliyev saxlanılıb. Ə.Əkbərov qətlə yetirildikdən sonra basdırıldığı yerdən çıxarılıb və aidiyyəti üzrə təhvil verilib. Şübhəli şəxsdən cinayət aləti olan ov tüfəngi götürülüb. Faktla bağlı araşdırmalar davam etdirilir.