İldırım vurması nəticəsində azı 25 nəfər ölüb

Hindistanın şərqindəki Bihar ştatında ildırım vurması nəticəsində azı 25 nəfər ölüb.

Avtosfer.az “Report”a istinadən xəbər verir ki, bu barədə PTI agentliyi məlumat yayıb.

Ştatın Baş nazirinin ofisindən verilən açıqlamaya görə, Naland rayonunda 18 sakin, digər rayonlarda isə bir neçə nəfər həlak olub.

Yerli “Rashtriya Janata Dal” partiyasının lideri Tedjaşvi Yadav “X” sosial şəbəkəsindəki paylaşımında bildirib ki, cümə axşamı regiondakı hava səbəbindən 50-dən çox adam ölüb.

“Biharda fırtına, yağış, şimşək çaxması, ağacların aşması və divarın uçması ilə bağlı müxtəlif hadisələrdə 50-dən çox insanın faciəli şəkildə həlak olması məni dərindən kədərləndirib”.