İmicini necə dəyişdisə, illərlə axtarıldı - FOTO

2021-ci ilin iyulunda atası ilə birgə Abşeron rayonunda qətl törətməkdə ittiham olunan Emin Ramazanov tutulub.

Avtosfer.az-ın “Qafqazinfo”ya istinadən məlumata görə, cinayətdə şübhəli bilinən E.Ramazanov 4 il ərzində imicini dəyişərək, hüquq-mühafizə orqanlarından gizlənməyə müvəffəq olub.

Qobu qəsəbəsində 29 yaşlı Ülfət Höccətovu amansızlıqla qətlə yetirməkdə və evi yandırmaqda şübhəli bilinən şəxs 4 il sonra polis əməkdaşları tərəfindən saxlanılaraq istintaqa təhvil verilib.

Onun atası Cahangir Ramazanova isə sözügedən qətlə görə 19 il həbs cəzası təyin olunub.

Qeyd edək ki, o, daha əvvəl mediada bir sıra saytlarda çalışıb və özünü baş redaktor kimi təqdim edib. Daha sonra o, özünü “peyğəmbər” elan edib, onkoloji xəstələri 3 saata müalicə etdiyini, əllərində bioenerji olduğunu deyərək müxtəlif əməllər törədib. E.Ramazanovun xüsusi libas geyinərək hansısa ritual həyata keçirməsi və həmin vaxt “müalicə etdiyi” qadının huşunu itirməsinə dair görüntülər də sosial şəbəkələrdə yayılıb.

Əvvəl-Emin Ramazanov

Sonra-Emin Ramazanov