İsmayıllıda hotel yandı - YENİLƏNİB

İsmayıllı rayonunun Gəndov kəndində ümumi sahəsi 1575 m² (hər mərtəbəsinin və mansardının sahəsi 525 m²) olan ikimərtəbəli, 7 otaqlı motelin yanar konstruksiyaları yanıb.

Avtosfer.az xəbər verir ki, bu barədə məlumat Fövqəladə Hallar Nazirliyindən verilib.

Motelin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

***09:54
İsmayıllıda hotel yanıb.

Avtosfer.az xəbər verir ki yanğın hadisəsi ötən gecə saatlarında rayonun  Gəndov kəndindəki "Family" hoteldə baş verib. Yanğın yerinə İsmayıllı rayon Yanğından Mühafizə Hissəsinin yanğınsöndürən texnikaları və şəxsi heyəti cəlb olunub.

Yanğın zamanı Qəhrəmanov Nəsib Bahadır oğluna məxsus  üçmərtəbəli  hotelin üçüncü mərtəbəsinin 525 k/m sahəsi içərsindəki əşyaları ilə birlikdə tamamilə yanıb.

Hotelin qalan hissəsi isə yanğından mühafizə olunub.Yanğın zamanı xəsarət alan olmayıb.