İt ikinci mərtəbədən qadının başına düşdü – ANBAAN VİDEO

Polşada it binanın ikinci mərtəbəsindən qadının üzərinə düşüb. Avtosfer.az yerli KİV-ə istinadən xəbər verir ki, hadisə ölkənin Lyublin şəhərində baş verib.

Məlumata görə, 21 yaşlı qadın səkidə hərəkət edən zaman binanın 2-ci mərətbəsindən tulanan Alman çobanı cinsli it onun üzərinə düşüb. Gənc qadın itin ağırlığına tap gətirməyərək yerə yıxılıb və huşunu itirib.

Qadının köməyinə ilk öncə ətrafdakılar, daha sonra həkimnlər gəlib və o, xəstəxanaya aparılıb. Onun həyatı üçün təhlükənin olmadığı bildirilib.

Lyublin polisinin sözlərinə görə, hadisə zamanı itin sahibi evdə olmayıb. O, çölə çıxmazdan əvvəl pəncərəni açıq qoyub. İt çox güman ki, güclü külək səbəbindən panikaya düşüb və özünü aşağı atıb.

Məsuliyyətsiz ev sahibi heyvanını lazımi qaydada təmin etmədiyinə görə məsuliyyətə cəlb oluna bilər.

Polis hadisə ilə bağlı araşdırmanı davam etdirir.

Namiq Musayev