Kolbasadan dəmir çıxdı - AQTA araşdırmağa başladı - VİDEO

“Halal Zəhmət” firmasının kolbasasından dəmir parçası çıxıb. Avtosfer.az xəbər verir ki, bu barədə sosial şəbəkədə aparıcı Nübar Əbil şikayət paylaşıb.

Şikayətçi bildirib ki, “almayın, ailənizə, uşaqlarınıza verməyin”.

“Görün bizim kolbasalar hansı şəraitdə, necə iyrənc vəziyyətdə ərsəyə gəlir. Bu kolbasanın artıq yarısı yeyilib, bu məsələyə görə “Halal Zəhmət” firması heç məsuliyyət daşıyırmı kolbasanın içindən dəmir parçası çıxdı”.

Məsələ ilə bağlı AQTA-nın mətbuat katibi İlkin Kərimov bildirib ki, yayılan görüntü AQTA tərəfindən nəzarətə götürüləcək.

“Məsələ qanunvericiliyə uyğun olaraq araşdırılacaq. Araşdırmaların nəticəsi barədə ətraflı məlumat veriləcək. İstehlakçılardan xahiş olunur ki, qida sahəsində hər hansı bir uyğunsuzluqla rastlaşdıqda araşdırılıb müvafiq tədbirlərin görülməsi üçün mütləq şəkildə AQTA-nın “1003” qaynar xəttinə məlumat versinlər” (milli.az).