Kürdəxanıda obyektdəki yanğın məhdudlaşdırıldı - FOTO - YENİLƏNİB

"Respublika Təcili və Təxirəsalınmaz Tibbi Yardım Mərkəzinə 24 aprel saat 9:40-da Kürdəxanı ərazisində yanğın hadisəsinin baş verməsi səbəbilə çağırış daxil olub".

Bu barədə Avtosfer.az-a TƏBİB-dən məlumat verilib.

"Çağırış ünvanına iki təcili tibbi yardım briqadası cəlb olunub. Müraciət qeydə alınmayıb", - deyə bildirilib.

***11:51

Fövqəladə Hallar Nazirliyi Dövlət Yanğından Mühafizə Xidməti tərəfindən görülmüş zəruri və təxirəsalınmaz tədbirlər sayəsində Bakı şəhəri, Sabunçu rayonu, Kürdəxanı qəsəbəsi ərazisində baş vermiş yanğın genişlənməsinə imkan verilmədən qısa müddətdə məhdudlaşdırılıb.

Avtosfer.az xəbər verir ki, hazırda yanğının tam söndürülməsi istiqamətində əməliyyat davam etdirilir.

Əlavə məlumat veriləcək.

***10:11

Fövqəladə Hallar Nazirliyinin “112” qaynar telefon xəttinə Bakı şəhəri, Sabunçu rayonu, Kürdəxanı qəsəbəsi ərazisində obyektdə yanğın baş verməsi barədə ilkin məlumat daxil olub və dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

FHN-in Mətbuat xidmətindən Avtosfer.az-a verilən məlumata görə, hazırda yanğınla mübarizə tədbirləri davam etdirilir.

Əlavə məlumat veriləcək.