Lənkəranda təmir sexində yanğın oldu

Lənkəranda yanğın hadisəsi baş verib.

Avtosfer.az xəbər verir ki, yanğın hadisəsi köhnə Ələt-Astara magistralında, Lənkəran şəhəri ərazisində yerləşən müxtəlif növ əşyaların təmir sexində qeydə alınıb.

Dərhal əraziyə FHN-nin yanğından mühafizə hissəsinin 1 texnikası və canlı qüvvəsi cəlb olunub. Sexin çöl tərəfindən başlanan yanğının qarşısı alınıb. Alovun sexə keçməsinə imkan verilməyib. 

Hazırda yanğının hansı səbəbdən baş verdiyi araşdırılır. (Unikal)