Masallıda 14 yaşlı qız itkin düşüb

Masallıda itkin düşən 14 yaşlı qızın axtarışları aparılır.

Avtosfer.az-ın verdiyi xəbərə görə, Masallıda 14 yaşlı Lamiyə Tağıyevanın itkin düşmə barədə polisə məlumat daxil olub. Yeniyetmə aprelin 12-də, saat 20 radələrində rayonun Banbaşı kəndində babasına məxsus yerləşən evdən çıxaraq naməlum istiqamətdə gedərək itkin düşüb.

DİN-in Mətbuat Xidmətinin Lənkəran regional qrupundan Avtosfer.az-a bildirilib ki, axtarış elan olunub. Onun tapılması üçün polis əməkdaşları tərəfindən tədbirlər görülür.