Masazırda maşınlar otluq və səkidə park edilir – Parklanma yerləri boş qalır - FOTO

Abşeron rayonu, Masazır qəsəbəsi, “Yeni Bakı” yaşayış kompleksində xoşagəlməz mənzərə qeydə alınıb.

Bu barədə izləyicilərdən biri Avtosfer.az-ın “Whatsapp” ünvanına fotoşəkillər göndərib. Hadisə sentyabrın 11-də saat 07:25 radələrində qeydə alınıb. Belə ki, 19-GS-050 dövlət nömrə nişanlı “Volkswagen” markalı, 77-YA-956 dövlət nömrə nişanlı “Ford Fusion” markalı və “KIA” markalı avtomobillərin sürücüləri dayanma-durma qaydasını pozub. Fotolardan da göründüyü kimi, yaşayış kompleksinin həyətində parkinq üçün kifayət qədər yer ayrılıb. Lakin sözügedən sürücülər maşınlarını otluq sahədə və səkidə park ediblər.

Şikayətçinin sözlərinə görə, kompleksin həyətində hər gün eyni vəziyyət mövcuddur: “Parkinq üçün ayrılmış ərazilər pulsuzdur. Üstəlim mühafizə xidmətinin əməkdaşı bu məsələylə bağlı sürücülərə dəfələrlə xəbərdarlıq edib. Buna baxmayaraq kompleksin həyətində eyni mənzərə ilə qarşılaşırıq”. 

Nərmin