Maşını blokun girişində saxlayıb evinə getdi; sakinlərə çətinlik yaratdı - FOTO

Paytaxtın Faiq Yusifov 40 ünvanında dayanma-durma qaydasını pozan sürücü görüntülənib.

Xoşagəlməz halla bağlı izləyicilərdən biri Avtosfer.az-ın “İnstagram” səhifəsinə fotoşəkil göndərib. Belə ki, 77-SQ-357 dövlət nömrə nişanlı “Mercedes” markalı avtomobilin sürücüsü binanın blokunun girişində park edib. Şikayətçinin sözlərinə görə, o, nəqliyyat vasitəsini səhər saatlarından gecəyə qədər sözügedən yerdə saxlayaraq evinə gedib. Nəticədə bina sakinləri bloka daxil olmasına çətinlik çəkib. İzləyici sakinlərin avtomobilin sahibini axtardıqlarını, lakin tapa bilmədiklərini əlavə edib.

Qeyd edək ki, qanunvericiliyə görə, avtomobili girişlərin, habelə darvazaların qarşısında park etmək qadağandır.

Nərmin