Maşının salonunu yeməkxanaya çevirən sərnişin tullantılarını yola atdı - VİDEO

Paytaxtın Yasamal rayonu, Həsən bəy Zərdabi küçəsində zibili avtomobildən yola  atan sərnişin görüntülənib.

Avtosfer.az-ın məlumatına görə, xoşagəlməz hadisə martın 20-də saat 22:11 radələrində qeydə alınıb. Kadrdan da görünür ki, işıqforun qırmızı işığında dayanan 90-ZY-597 dövlət nömrə nişanlı “Mercedes” markalı avtomobildəki sərnişin əlindəki tullantıyla dolu salfeti asfalta atır və zibil yola səpələnir. 

Xatırladaq ki, İnzibati Xətalar Məcəlləsinin 352.2-ci maddəsinə əsasən yollara və yol qurğularına tullantı və ya nəqliyyat vasitələrindən bayıra hər hansı əşya atılmasına görə fiziki şəxslər 200 manat məbləğində, vəzifəli şəxslər 1000 manat məbləğində, hüquqi şəxslər isə 4000 manat məbləğində cərimə edilir. 

Nərmin