Maşınların arasından keçən qadın motosikletçiyə təhlükə yaradıb qəzəbləndirdi - VİDEO

Bakının mərkəzi küçələrindən birində qayda pozan piyadanın görüntüsü kameraya yansıyıb.

Avtosfer.az-ın məlumatına görə, hadisə bir neçə gün öncə günorta saatlarında qeydə alınıb. Videodan da göründüyü kimi, piyada yolu təyin olunmamış yerdən keçərək hərəkətdə olan motosikletə qəza şəraiti yaradıb. Belə ki, yaranmış sıxlıqdan sui-istifadə edən qadın maşınların arası ilə yolu keçməyə çalışıb. Yaxınlaşmaqda olan motosikleti görən piyada anidən geri çəkilib. Lakin o, sürücüyə narazılığını bildirərək törətdiyi qayda pozuntusuna haqq qazandırıb. Yaranmış vəziyyətdən əsəbiləşən motosikletçi qadına “Buradan yolu keçirlər? Hələ minnət də qoyursan”, - deyə iradını bildirib.

Qeyd edək ki, hadisənin baş verdiyi yerdən bir neçə metr geridə piyada keçidi mövcuddur.  

Nərmin