Məktəblini dağa aparıb vəhşicəsinə döydülər - Araşdırma başladı

Şəkidə məktəblilər arasında dava birinin xəsarət alması ilə nəticələnib. Şəhər məktəblərindən birinin 11-ci sinif şagirdini 4 sinif yoldaşı dağa apararaq vəhşicəsinə döyüb.

Avtosfer.az xəbər verir ki, baş vermiş hadisəni "Bizim.Media"ya DİN-in Mətbuat Xidmətinin Şəki regional qrupundan təsdiqləyiblər.
Bildirilib ki, Şəki şəhərində məktəblinin həmyaşıdları tərəfindən döyülməsi ilə bağlı martın 9-da ailə üzvlərinin müraciəti əsasında ərazi polis orqanında araşdırmalara başlanılıb.

Hadisə yerinə baxış keçirilib, tərəflərin izahatları alınıb və zərərçəkmişin xəsarətlərinin dərəcəsinin müəyyən edilməsi məqsədilə məhkəmə-tibbi ekspertizası təyin olunub.