“Mercedes” sürücüsü gənc oğlanı keçidin üstündə vurdu - VİDEO

Naxçıvan şəhərində piyadanın vurulmasıyla nəticələnən yol-nəqliyyat hadisəsi baş verib.

Avtosfer.az-ın məlumatına görə, qəza aprelin 6-da səhər saatlarında Cəfər Pişəvəri küçəsində qeydə alınıb. Belə ki, hərəkətdə olan 67-BM-380 dövlət nömrə nişanlı “Mercedes” markalı avtomobil keçiddən keçən piyadanı vurub. Hadisə zamanı gənc oğlan qolundan xəsarət alıb. Yaxınlıqdakı vətəndaşların köməyi ilə yaralıya ilkin müdaxilə olunub. 

Qeyd edək ki, hazırda piyadanın vəziyyətinin yaxşı olduğu bildirilib. 

Nərmin