Məşhur şirkət 20 min dollar cərimələndi

“Modern Trading LTD” Məhdud Məsuliyyətli Cəmiyyət  məhkəmə tərəfindən 20 min dollar cərimə olunub. “Unikal”ın məlumatına görə, MMC-yə cərimə tətbiq olunmasına səbəb qabaqcadan ödənilmiş valyuta vəsaitinin xaricdən geri qaytarılmaması olub. Belə ki, MMC tərəfindən 100000 ABŞ dolları məbləğində xarici valyutada olan vəsaiti ödəniş tapşırığına əsasən 2022-ci il tarixində Azərbaycan Respublikasından kənara qabaqcadan ödəniş etməklə köçürmüşdür. Lakin ödənişin aparıldığı gündən 2 ildən artıq müddət  keçməsinə baxmayaraq, 100000 ABŞ dolları məbləğində vəsait hesabına alınan malların ölkəyə idxalını təsdiq edən gömrük bəyannaməsini və ya idxal olunan xidmətlərin göstərilməsini təsdiq edən sənədi banka təqdim etməyibilər.

Buna görə də, İnzibati Xətalar Məcəlləsinin 430.4-cü maddəsi ilə iqtisadi fəaliyyət qaydaları əleyhinə olan (Valyuta tənzimi qaydalarının pozulması) inzibati xəta protokolu tərtib olunub və Nizami Rayon Məhkəməsinin hakimi Nigar Qədirlinin sədrliyi  ilə MMC-yə ümumi məbləğin 20 faizi qədər cərimə tətbiq olunub.