Motokuryer sürücü və sərnişini təhqir etdi; avtomobilə təpik atıb aradan çıxdı - VİDEO

Bakıda motokuryer kobud qayda pozuntusu ilə yanaşı xuliqanlıq da törədib.

Avtosfer.az xəbər verir ki, paytaxtın Nərimanov rayonunda motosiklet sürücüsü “Renault”markalı nəqliyyat vasitəsinin idarəçisinə və onun sərnişininə qarşı hörmətsizlik edib.

Belə ki, sosial şəbəkə hesabımıza video göndərən “Renault” sürücüsü deyib ki, Ələsgər Qayıbov küçəsində, “Bakmil” metrosu ilə üzbəüz hissədə avtomobili saxlayarkən sərnişini olan xanım maşından düşməyə çalışb. Bu zaman 99-K-135 nömrə nişanlı “Nama” markalı motosiklet sürücüsü xanıma qarşı nalayiq ifadələr işlədib. Bu zaman avtomobilin sürücüsü maşından düşüb və nə baş verdiyini soruşub. Motokuryer bu vaxt elə sürücünün özünü də söyüb. Şikayətçi deyir ki, bu vaxt motosikletin nömrəsini yaddan çıxarmasın deyə telefonunu çıxarıb və çəkməyə başlayıb. Daha sonra motokuryer söyüşlərə davam edərək avtomobilə təpik atıb və aradan çıxıb.

Hadisənin hansı səbəbdən yarandığını isə “Renault” sürücüsü özü də bilmir.

Səfər