Mübahisə etdikləri şəxsi döyüb, yandırıb bıçaqladılar: Polis onları axtarır - VİDEO

Rusiyada bir nəfəri vəhşicəsinə döyən üç şəxs axtarılır. Avtosfer.az xəbər verir ki, hadisə Vladivostok şəhərində baş verib. Belə ki, şəhərin Admiral Yumaşev küçəsində 3 nəfər şəxs mübahisə etdikləri şəxsi öncə döyüblər, sonra üzərin tezalışan maye tökərək yandırıblar. Ardınca isə bir neçə bıçaq zərbəsi endirdikdən sonra hadisə yerindən qaçıblar.

Yerdə qan içində olan kişini yerli bazarın mühafizəçisi nəzarət kamerasında görüb. O, dərhal təcili yardım və polisə xəbər verib. Zərərçəkən ağır vəziyyətdə xəstəxanaya çatdırılıb. Həkimlərin müdaxiləsindən sonra onun sağ olduğu bildirilir.

Hazırda polis hadisəni törədən həmin üç şəxsi axtarır. Onların şəxsiyyətini müəyyənləşdirmək hələ ki, mümkün olmayıb.

Namiq Musayev