Müğənninin maşınına hücum etdilər – “Çox xahiş edirəm, bu şəxsi tapsınlar” - VİDEO

Müğənni Nüşabə Musayevanın maşınına hücum ediblər.

Avtosfer.az xəbər verir ki, bu barədə o, “Tarixin bir günü” verilişində danışıb.

Nüşabə deyib ki, hadisə gecə saatlarında baş verib:

“Mənim yaxınıma gələ bilməyn şəxs, maşınıma yaxın dura bilər. Şikayət etmək xarakterimdə yoxdur. Nə üçünsə, etmərəm ki, xərcimi ödəsin. Onsuz da sabah aparıb təmir etdirəcəyəm. Sadəcə kimliyini və mənə nə üçün bunu etdiyini, bilmək istəyərəm. Binadan daş atıla bilməz. Mən gecə 2-də marketə getmişəm, belə deyildi. Bu hadisə 3-4-də baş verib.

Qəsdən olub. Zərbəylə yalnız bir nöqtəyə vurulub, yüz faiz yaxınlaşıb elə vurub. Hətta daş içəri düşüb. Kimliyini bilmək üçün Daxili İşlər Nazirliyinə müraciət edirəm. Çox xahiş edirəm, bu şəxsi tapsınlar, niyəsini bilmək istəyirəm. Mənim bu dərəcədə düşmənlik etdiyim kimsə yoxdur. Bu maşınımı digərinin yanında saxlamışam. Bəlkə də onun mənim olduğunu bilməyiblər.

Mənim sözüm olanda ad çəkirəm, sözümü deyirəm. Adam düşmənlik edəndə də mərd kimi edər, həyatını kişi kimi yaşayar. Qadın, ya kişi fərqi yoxdur. Bu, sənin xoşuna gəlməsə, yenə özünə deyərəm, Sözün var, gəl mənə de. Qatil, cani deyiləm, ədavəti üz-üzə edərlər, canıma gələn malıma gəlsin” (Bizim.Media).