Müharibə iştirakçısı müəmmalı şəkildə öldü - “Biri “tok” vurub deyir, digəri yıxılıb”

Ucar sakini Bakıda müəmmalı şəkildə ölüb. Avtosfer.az “Qafqazinfo”ya istinadən xəbər verir ki, rayonun Qaradağlı kənd sakini, 1994-cü il təvəllüdlü  Allahverdiyev Dövran Mahir oğlu 10 gün əvvəl əvvəl Bakıya işləmək məqsədi ilə gəlib.

Yaxınlarının sözlərinə görə, ötən gün onlara zəng olunub və Bakıya gəlmələri istənilib:

“Ötən gün axşam saatlarında bizə naməlum nömrədən zəng gələrək Dövranla bağlı Bakı şəhərinə getməli olduğumuz bildirildi. Oraya çatdıqda artıq Dövranın cəsədi morqdan çıxarılıb yuyulmaq üçün məscidə aparılırdı. Bu vaxta kimi Dörvanın dəqiq ölüm səbəbini bizə deyən olmayıb. Biri deyir “tok” vurub, başqa birisi isə deyir yıxılıb ölüb”. 

Qeyd edək ki, Dövran Abdullayev 44 günlük Vətən müharibəsi iştirakçısı olub. Və bu gün doğulduğu Qaradağlı kənd qəbiristanlığında dəfn olunub.