Oğuzda toyda dava - İki qardaş döyüldü

Oğuz rayonunda toyda dava olub.

Avtosfer.az-ın Oxu.az-a istinadən məlumatına görə, hadisə rayonun Xaçmaz kəndi ərazisindəki şadlıq evlərindən birində baş verib. Kənd sakini Əlvan adlı şəxs toyda əvvəldən küsülü olduğu Etibar adlı qohumu ilə rastlaşıb. Onlar toyda barışıblar.

Amma onların bu barışığı çox çəkməyib. Əlvan toyda spirtli içki qəbul edəndən sonra Etibarı pivə içməyə dəvət edib və Etibar da təklifi qəbul edib.

Yeni barışan qohumlar şadlıq sarayının həyətindəki kafeyə gedib, hər biri 6 bakal pivə içdikdən sonra aralarında yenidən mübahisə baş verib . Mübahisə nəticəsində Əlvan Etibarı vurub, yerə yıxıb və onun bədəninə zərbələr endirib. Hadisə yerinə gələn, Etibarın qardaşı İlqar mübahisəyə müdaxilə etmək istəyərkən Əlvan İlqarı da döyüb.

Hadisə yerinə polis əməkdaşları gəliblər, faktla bağlı cinayət işi başlanaraq iş məhkəməyə göndərilib.

Məhkəmə tərəflər arasında barışıq olduğunu nəzərə alaraq Əlvana 1000 manat cərimə kəsib.