Övladına dərman almağa pulu çatmayan kişi keçmiş arvadını döydü

Hadisə 11 İyul 2024 22:30 Oxunub 376
Övladına dərman almağa pulu çatmayan kişi keçmiş arvadını döydü
WhatsApp kanalımıza abunə ola bilərsiniz

Bakının Sabunçu rayonunda 1993-cü il təvəllüdlü Fərid Məmmədov münasibətlər zəminində yaranan mübahisə zamanı keçmiş həyat yoldaşı Samirə Rəhimovaya (ad-soyad şərti göstərilib - red.) xəsarət yetirib. Demokrat.az-ın məlumatına görə, hadisə bu ilin martın 31-də Sabunçu rayonu, Sabunçu qəsəbəsində baş verib.

Fərid Şəhər şosesində yerləşən nömrəsiz fərdi evlərinin yataq otağında keçmiş həyat yoldaşı Samirə ilə ailə-məişət zəminində aralarında yaranmış mübahisə zamanı qəsdən şillə ilə onun üz nahiyəsindən bir neçə dəfə vurub.

Hadisəni törədən Fəridin barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.

Cinayət işi üzrə təqsirləndirilən şəxs qismində ifadə verən Fərid ona elan olunmuş ittiham üzrə özünü təqsirli bilib.

O qeyd edib ki, Samirə ilə 2019-cu ildə ailə həyatı qursalar da, 2023-cü ildə boşanıblar:

"Bu nikahdan olan iki övladım məhkəmə qətnaməsi ilə mənim himayəmə verildi və hazırda mənimlə yaşayırlar. Boşanmağımıza baxmayaraq öz aramızda razılaşaraq təxminən bir aydan çoxdur ki, Samirə ilə birlikdə yaşamağa davam etmişik".

Təqsirləndirilən şəxs qeyd edib ki, hadisə günü, təxminən saat 21 radələrində yaşadığımız evdə olarkən Samirə ilə aralarında övladına dərman almaq üçün pulunun olmaması səbəbindən mübahisə yaranıb:

"Samirə üzərimə gələrək mübahisəni böyütdü. Bundan əsəbiləşərək Samirəni yataq otağında olarkən çarpayıya yıxdım. Qəsdən üz nahiyəsindən ardıcıl şillə zərbələri vurdum. Samirə qaçmaq istəyərkən onun qolundan və sinəsindən tutaraq ona xəsarət yetirdim".

Bu cinayət işinə Sabunçu Rayon Məhkəməsində baxılıb.

Məhkəmənin hökmü ilə Fərid 1 000 manat cərimə olunub.

ŞƏRH YAZ
Ad

E-mail

Şərh