Pişiyi tüfənglə öldürən şəxs polis tərəfindən saxlanıldı

Türkiyənin Kocaeli vilayətində bir şəxsin sahibsiz pişiyi yemləmək adı ilə evinə apararaq ov tüfəngi ilə öldürdüyü məlum olub. 

Avtosfer.az xəbər verir ki, hadisə ilə bağlı məlumat əldə edən polis dərhal əməliyyat keçirərək həmin şəxsi saxlayıb. 

Hadisə ötən gün axşam saatlarında Körfez rayonunun Yavuz Sultan Səlim məhəlləsində qeydə alınıb. Qunşular bir nəfərin odlu silahdan atəş açaraq pişiyi qətlə yetirdiyi ilə bağlı polisə məlumat veriblər.

Dərhal həmin şəxsin evinə gedən polis pişiyi evdə hərəkətsiz vəziyyətdə tapıb. Müayinə zamanı pişiyin ov tüfəngi ilə vurularaq öldürüldüyü müəyyən edilib. 

Hadisəilə bağlı istintaq davam edir.

(lent.az)