Polis yeniyetmələri zorakılıqla evakuasiya edib

Fransa polisi “Gqite Lyriaue” zalında sığınacaq tapmış yüzlərlə miqrant yeniyetmə uşağı zorakılıqla çıxardıb.

Avtosfer.az xəbər verir ki, bu gün yerli vaxtla səhər saat 06:00-da “Gaite Lyrique” teatrının zalına müdaxilə edib. Zalda sığınacaq tapmış miqrant yeniyetmələri dəstəkləyən gənclərlə polis arasında toqquşma olub. Polis binanın qarşısında qurulmuş kordonu zorakılıqla dağıdıb.

Hadisə yerində olan solçu deputat Danielle Simonnet son dərəcə zorakı müdaxiləni pisləyib. “Gənclər çantalarını yerə qoyarkən polis dəyənəklə onları vurmağa başladı”,-deyə acınacaqlı vəziyyəti təsvir edib.

"Bu səhər polis məmurları “Gaité Lyrique” sığınan müşayiətsiz 450 yetkinlik yaşına çatmayan uşağı təxliyə etmək üçün insanları itələyir, gözyaşardıcı qazdan istifadə edir və vururdu",- deyə “Utopia 56” Assosiasiyası sosial şəbəkə səhifəsində yazıb. “Acces au Droit” Assosiasiyası da oxşar faktları bildirib.

Yeniyetmə miqrantlar çantalarda bir neçə əşya ilə təxliyə ediliblər.