Qadın maşında oğlana 6 bıçaq zərbəsi vurdu

Argentinada sevgilisini seks zamanı öldürən San-Xuan şəhərindən olan qadının məhkəməsi başlayıb. Avtosfer.az Lent.az-a istinadla bildirir ki, cinayət 2024-cü il yanvarın 16-da törədilib. İstintaqın məlumatına görə, Həmin gün 34 yaşlı Luciana Bustos Sançes və Marselo Xose Amarfil birlikdə ərzaq alış-verişinə gediblər. Daha sonra məhkəmə sənədlərinə əsasən, onlar hava limanının yaxınlığında dayanaraq cinsi əlaqədə olmaq istəyiblər. Qadın tamamilə çılpaq oğlanı dəri manşetlərlə sükana qandallayıb, gözlərini bağlayıb, sonra isə üz və boyun nahiyəsinə 6 bıçaq zərbəsi vurub. Amarfil özünü azad edərək, Sançesin əlindən dişləyib, maşından düşüb qaçmağa çalışsa da, huşunu itirib. Onu xilas etmək mümkün olmayıb. Hadisədən dərhal sonra qadın yaxınlıqdakı patrul polisinə yaxınlaşaraq dostunun özünə xəsarət yetirdiyini bildirib. Eyni zamanda onun əllərində qan olub. Sançesin versiyası məhkəmə-tibb ekspertləri tərəfindən dərhal təkzib edilib. Bildirilib ki, Amarfil özünə belə yaralar vura bilməz. Kişinin qohumları onun Sançeslə dost olduğunu, tez-tez birlikdə nahar etdiyini və ailə şənliklərində iştirak etdiyini, lakin onların arasında romantik münasibətdən heç kimin xəbəri olmadığını söyləyiblər. Müdafiə tərəfi qadının cinsi təcavüz qurbanı olduğunu və özünü müdafiə etdiyini iddia edir.