Qadın “TikTok”da mübahisə etdiyi şəxsi bıçaqladı

Bərdə rayonunda qadın sosial şəbəkədə mübahisə etdiyi şəxslə görüşərək, onu bıçaqlayıb.
DİN-in Mətbuat Xidmətinin regional qrupundan Avtosfer.az-a verilən məlumata görə, əməli törətməkdə şübhəli bilinən 1992-ci il təvəllüdlü Tünzalə Hüseynova polis əməkdaşları tərəfindən saxlanılıb.

Faktla bağlı Cinayət Məcəlləsinin qəsdən sağlamlığa ağır zərər vurma maddəsi ilə cinayət işi başlanılaraq istintaq aparılır.

***

Bərdədə qadın “TikTok”da mübahisə etdiyi şəxsi bıçaqlayıb.

Avtosfer.az-ın məlumatına görə 1992-ci il təvəllüdlü Tünzalə Hüseynova, sözügedən sosial şəbəkədə mübahisə etdiyi 1992 -ci il təvəllüdlü Ceyhun Mübariz oğlu Zeynalova bıçaq xəsarəti yetirib.

Yaralı Bərdə Rayon Mərkəzi Xəstəxanasına yerləşdirilib. T. Hüseynova isə təqsirləndirilən şəxs qismində saxlanılıb. 

Faktla bağlı araşdırma aparılır.

Xəsarət alan şəxsin vətən müharibəsi qazisi olduğu deyilir.