Qaz istehsalı müəssisəsində partlayış: 1 ölü, 8 yaralı

Rusiyanın Yamalo-Nenets Muxtar Dairəsində qaz istehsalı müəssisəsində baş vermiş partlayış nəticəsində xəsarət alanların sayı 8 nəfərə çatıb. “Report” xəbər verir ki, bu barədə “Rospan International” ASC-nin mətbuat xidməti məlumat yayıb. “Xəsarət almış 9 nəfərdən biri daha sonra ölüb. Yaralılar xəstəxanaya yerləşdiriliblər”, - məlumatda bildirilib.

Qeyd edək ki, baş vermiş insidentdən sonra sənaye təhlükəsizliyi tələblərinin pozulması faktı üzrə cinayət işi açılıb.