Qaz kəmərində partlayış olub, ölənlər və yaralananlar var

Misirin Sitt-Oktobr şəhərində qaz kəmərində partlayış baş verib.

Avtosfer.az xəbər verir ki, bu barədə yerli "Youm7" portalı məlumat yayıb.

Bildirilir ki, partlayış nəticəsində 3 nəfər həlak olub, 18 nəfər yaralanıb. Yaxınlıqda dayanan bir neçə avtomobil də yanıb.

İlkin məlumata görə, hadisəyə borudan qaz sızması səbəb olub. Hazırda yerli prokurorluq hadisənin başvermə şəraitini araşdırır.