​​​​​​​Qubada taksi piyadanı vurdu - Sərnişin də xəsarət aldı

Qubada taksi piyadanı vurub.

Avtosfer.az unikal-a istinadən xəbər verir ki, Bakı-Quba Rusiya Federasiyası ilə dövlət sərhədi avtomobil yolunun Quba rayonunun Mirzəmməd kəndi ərazisindən keçən hissəsində yol nəqliyyat hadisəsi baş verib.

Belə ki, Mirzəmməd kəndinin yolunda hərəkətdə olan taksi 1953-cü il təvəllüdlü Şıxzeyid Xəlilovu vurub.

Hadisə zamanı piyada avtomobilin ön ban şüşəsinə çırpılıb, nəticədə ban şüşə sınaraq taksinin içində olan sərnişin 1993-cü il təvəllüdlü rayon sakini Həmidə Mehdiyevanın da xəsarət almasına səbəb olub.

Hər iki yaralı Quba rayon Mərkəzi Xəstəxanasına aparılıb.

Faktla bağlı araşdırma aparılır.