Qusarda yeniyetmənin kanalda boğulmasının detalları MƏLUM OLDU - VİDEO - YENİLƏNİB

Qusarın Caqarqışlaq kəndində 16 yaşlı Nizam Rəhimxanovun yaşayış məntəqəsinin yaxınlığından keçən Samur-Abşeron kanalında batması ilə bağlı bəzi detallar məlum olub.

Yeniyetmənin qohumu Bəxtiyar Sadirov hadisə ilə bağlı Baku TV-yə danışıb.

"Dayıoğlu, bibioğlu çimməyə gediblər. Üzməyi tam bilmirlər. Uşaqlardan biri çıxa bilib, digərinin boğulduğunu görəndə qışqırıb kömək istəyib. Bir nəfər səsi eşidib gəlib görüb ki, uşaq artıq batıb", - o bildirib.

Qeyd edək ki, Fövqəladə Hallar Nazirliyinin dalğıc-xilasediciləri axtarışları davam etdirirlər.

***

Samur-Abşeron kanalında batan şəxsin kimliyi bilinib.

Bildirilib ki, kanalın Kuzunqışlaq kəndi ərazisindən keçən hissəsində batan şəxs 16 yaşlı Nizam Rimixan oğlu Rəhimxanovdur.

Onun axtarışları davam etdirilir.

(lent.az)