Rabitə xidmətinin bazası sındırıldı - 60 məmurun məlumatları oğurlandı

“TeleMessage” təhlükəsiz korporativ yazışma xidmətini sındıran haker ABŞ Prezidentinin milli təhlükəsizlik üzrə köməkçisi Mayk Uolts da daxil olmaqla, təxminən 60 amerikalı məmurun məlumatlarını oğurlayıb.

Avtosfer.az “Report”a istinadən xəbər verir ki, bu barədə “Reuters” agentliyi məlumat yayıb.

Agentliyin məlumatına görə, ABŞ Gömrük Xidməti, ABŞ Məxfi Xidmətinin əməkdaşları və bir Ağ Ev işçisi ilə bağlı yazışmalar şəbəkəyə sızıb. Bütün mesajlar təxminən mayın 4-nə aiddir.

Qeyd olunub ki, bəzi söhbətlər yüksək rütbəli amerikalı məmurların səfər planları ilə bağlı olub. Mesajları internetə sızan bir sıra maliyyə şirkətləri sızıntı faktını təsdiqləyiblər.