Rusiya Kiyevdəki Azərbaycan səfirliyini vurmaq istəyib? - RƏSMİ AÇIQLAMA

Rusiyanın Kiyevə hücumu zamanı Azərbaycan səfirliyinə ziyan dəyib, xəsarət alan olmayıb. Avtosfer.az xəbər verir ki, bu barədə Azərbaycan Xarici İşlər Nazirliyindən bildirilib. "Avqustun 28-i, gecə saat 3 radələrində Ukraynanın paytaxtı Kiyev şəhərinə raket və dron hücumları baş verib. Raketlərdən biri Azərbaycanın Ukraynadakı səfirliyinin binasının yaxınlığında partlaması nəticəsində yaranan zərbədən binaya zərər dəyib. Bəzi pəncərələr qırılıb, konsulluq bölməsinin damında çatlar əmələ gəlib", - məlumatda deyilir.

Bununla belə, səfirliyin əməkdaşları arasında xəsarət alan olmayıb. Səfirlik fəaliyyətini davam etdirir.

***

Rusiyanın ötən gecə Ukraynaya atdığı raketlərdən biri Azərbaycanın Kiyevdəki səfirliyindən cəmi 100 metr məsafəyə düşüb. Bu barədə jurnalist Denis Kazanski yazıb. “Gecə Rusiya Azərbaycanın Kiyevdəki səfirliyinə zərbə endirməyə çalışdı, amma bir qədər yanıldı. Daha əvvəl ruslar bir neçə Azərbaycan neft bazasını bombalamışdılar. İndi isə açıq-aşkar səfirliyə qarşı terror hücumlarına keçiblər”, – deyə jurnalist Denis Kazanski yazıb.