Şabranda çay daşdı - Sakinlər təxliyə edildi

Şabranda çay daşıb.

Avtosfer.az unikal-a istinadən xəbər verir ki, Dəvəçiçay daşıb, həyətlərə, evlərə, kommersiya obyektlərinə su dolub.  Belə ki, fövqaladə vəziyyət Şabran şəhərinin M.Ə.Rəsulzadə küçəsində baş verib.

 İntensiv yağış nəticəsində Dəvəçiçaya gələn güclü sel fərdi yaşayış evlərinin həyətlərinə, evlərə, təsərrüfatlara, kommersiya obyektlərinə dolub. 

Hadisə baş verən ərazidə 30-a yaxın ev var. Evlərdə yaşayan sakinlər təxliyə edilib. 

Hadisə yerinə Şabran rayon Fövqəladə Hallar Komissiyasının nümayəndələri və digər əlaqədar qurumların nümayəndələri cəlb olunublar.