Sabunçuda yanğın olub: Xəsarət alan var - YENİLƏNİB

Bakı şəhərinin Sabunçu rayonunda ümumi sahəsi 10 m² olan köməkçi tikilidə baş verən yanğın zamanı xəsarət alan şəxsin son vəziyyəti açıqlanıb.

Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.

Qeyd olunub ki, bu gün Təcili və Təxirəsalınmaz Tibbi Yardım Mərkəzinə Sabunçu rayonundan partlayış baş verməsi səbəbi ilə çağırış qeydə alınıb:

"Təcili tibbi yardım briqadası tərəfindən bir nəfərə yerində tibbi xidmət göstərilib və sağ yuxarı ətrafın ikinci dərəcəli termiki yanığı diaqnozu ilə Nərimanov Tibb Mərkəzinin nəzdində olan Yanıq Mərkəzinə hospitalizasiya olunub".

***12:36

Bakı şəhərinin Sabunçu rayonunda həyətyanı sahədə ümumi sahəsi 10 m² olan köməkçi tikilinin yanar konstruksiyaları yanıb.

Avtosfer.az xəbər verir ki, bu barədə Fövqəladə Hallar Nazirliyi məlumat yayıb.

Bildirilib ki, yanğın zamanı bir nəfər yanıq xəsarəti alıb.

Yaxınlıqdakı tikililər yanğından mühafizə olunub. Yanğın yanğından mühafizə bölmələri tərəfindən söndürülüb.