Şəhid ailəsinin evindən oğurluq edildi - YENİLƏNİB

Xəbər verdiyimiz kimi, ötən gün şəhid ailəsinin evindən oğurluğa cəhd edilib.

DİN-in Mətbuat Xidmətinin Şirvan regional qrupundan bildirib ki, dünən axşam saatlarında qanunsuz olaraq evə daxil olmağa cəhd edilib. 

Hadisəni törədən şəxs və ya şəxslərin müəyyən edilərək məsuliyyətə cəlb olunması istiqamətində tədbirlər görülür.
***
Salyan rayonunun Sarvan kəndində evlərdən oğurluq hadisəsi baş verib.

“Unikal”ın məlumatına görə, naməlum şəxs axşam 22:00 radələrində şəhid Cavad Asif oğlu İsmayılovun ailəsinin evinə basqın edib. Nəticədə şəxs evdən 1000 azn və qızıl-ziynət əşyalarını oğurlayıb. Hadisə yerinə hüquq-mühafizə orqanları cəlb olunub.  Araşdırma davam edir.

Qeyd edək ki, Xüsusi Təyinatlı Qüvvələrin 19 yaşlı əsgəri olmuş Cavad Asif oğlu İsmayılov 2020-ci ilin dekabr ayında  idarə etdiyi “KamAz” markalı yük maşının minaya düşməsi nəticəsində həlak olub.