Şəmkirdə bir gündə 2 evdə yanğın oldu - FOTO

Şəmkirdə iki evdə yanğın olub.

Avtosfer.az unikal-a istinsən xəbər verir ki, ilk hadisə rayonun Qədimqala kəndində baş verib. Belə ki, kənd sakini 90 yaşlı Z.Nağıyevə məxsus fərdi yaşayış evində yanğın olub. Hadisə yerinə FHN Dövlət Yanğından mühafizə xidmətinin Şəmkir rayon Dövlət Yanğından Mühafizə hissəsinin yanğınsöndürən texnikası və canlı qüvvəsi cəlb olunub. Yanğın zamanı 170 kvadratmetr olan kürsülü birmərtəbəli 4 otaqlı evin dam örtüyü, mətbəxin yanar konstruksiyaları və ev əşyaları yanıb.Yanğın söndürülüb, evin digər otaqları mühafizə edilib.

İkininci yanğın hadisəsi rayon Düyərli kəndində baş verib. Kənd sakininə məxsus ümumi sahəsi 50 kv.m olan birmərtəbəli evin 2 otaqdan ibarət yardımçı tikilisinin bir otağında yanğın olub.

Baş vermiş hər iki yanğın hadisəsi ilə bağlı araşdırmalara başlanıb.

Tural Əhmədov