Silahlı insident nəticəsində 3 nəfər ölüb

ABŞ-nin Virciniya ştatının Frederiksburq şəhəri yaxınlığında baş vermiş silahlı insident nəticəsində azı üç nəfər ölüb, daha üç nəfər yaralanıb.

Avtosfer.az  xəbər verir ki, bu barədə “The New York Times” qəzeti Spotsilvania dairəsinin şerif idarəsinə istinadən məlumat yayıb.

Nəşrin bildirdiyinə görə, hadisənin səbəbləri və şübhəlilərin kimlikləri hələ müəyyən edilməyib. Yaralılar xəstəxanaya yerləşdirilib.

Faktla bağlı araşdırma aparılır.