Şübhəli torpaq sürüşməsi: qatar relsdən çıxdı, 5 yaralı - FOTO

Fransanın Şərqi Pireney departamentində baş verən sonuncu dəmir yolu qəzası yenidən müzakirələrə səbəb oldu. İlk baxışda qəzada ciddi tələfat olmayıb. Qatarın relsdən çıxması nəticəsində 5 nəfər yüngül xəsarət alıb. Onlardan ikisi dəmir yolu işçisidir. Bəs elə isə məsələnin böyüməsinə səbəb nədir?

Avtosfer.az xəbər verir ki, Perpinyan şəhəri yaxınlığında baş verən qəzaya torpaq uçqunu səbəb olub. Naməlum səbəbdən yola tökülən torpaq kütləsi qatarı relsdən çıxarıb. Şübhəni yaradan da məhz budur. Ərazi dağlıq olsa da, mütəxəssislər bu uçqunu şübhəli hesab edirlər. Hadisədən sonra xəttin istismarı dayandırılıb.

Bu xətdə intensivlik az olsa da, əvvəllər də qəzalar baş verib.  2017-ci ildə indiki qəzanın baş verdiyi ərazidən bir neçə kilometr aralıda, tənzimlənməyən keçiddə qatarın məktəbli avtobusunu vurması nəticəsində 6 uşaq ölmüş, 17 nəfər xəsarət almışdı. Qəzadan sonra açıqlama verən Fransa Dövlət Dəmir Yolları (SNCF) sözügedən keçidin modernləşmə planına daxil edilmədiyi, yalnız xəbərdaredici işıqlar qoyulduğunu bildirmişdi.

2022-ci ildə başa çatan məhkəmə prosesində maşinist 5 il şərti olaraq azadlıqdan məhrum edilmişdi. Hadisədən sonra bağlanan xətt 3 il sonra yenidən açılıb. Maraqlıdır ki, 2020-ci ildən sonra da xətt bir neçə dəfə qısa müddətə bağlanıb.

Vüqar Yaşaroğlu