Sumqayıtda baş verən yanğın söndürüldü - YENİLƏNİB

Fövqəladə Hallar Nazirliyinin (FHN) "112" qaynar telefon xəttinə Sumqayıt şəhərində "Stansiya Sumqayıt" adlanan ərazidə yanğın baş verməsi barədə məlumat daxil olub.

Avtosfer.az oxu.az-a istinadən xəbər verir ki, bu barədə Fövqəladə Hallar Nazirliyinin (FHN) Mətbuat Xidmətindən bildirilib.

Məlumatda qeyd olunub ki, yanğın fərdi yaşayış evinin həyətyanı sahəsində təndirxana kimi fəaliyyət göstərən əlavə tikilidə baş verib:

"Yanğınla mübarizə tədbirlərinə Fövqəladə Hallar Nazirliyinin (FHN) Dövlət Yanğından Mühafizə Xidmətinin qüvvələri dərhal cəlb olunub. Təcili və təxirəsalınmaz tədbirlər nəticəsində yanğının geniş əraziyə yayılmasına imkan verilmədən qarşısı alınaraq söndürülüb".

***

Sumqayıt şəhərində çörək sexində yanğın başlayıb.

Avtosfer.az "Report"a istinadən xəbər verir ki, hadisə "Stansiya Sumqayıt" adlanan ərazidə baş verib.

Yanğınla mübarizə tədbirlərinə Fövqəladə Hallar Nazirliyi (FHN) Dövlət Yanğından Mühafizə Xidmətinin canlı qüvvəsi və texnikaları cəlb olunub.

Hazırda yanğının söndürülməsi istiqamətində işlər davam etdirilir.