Sürücüyə tələ quran yol polislərinə cinayət işi açıldı - Sərxoş sürücü "ov"una çıxıbmışlar - FOTO

Rusiyada dələduzluq edən iki yol polisi əməkdaşına qarşı cinayət işi açılıb.
Avtosfer.az yerki mediaya istinadən xəbər verir ki, hadisə Arxangelsk vilayətində baş verib. Belə ki, vilayətin Novodvinsk şəhərinin Dekabristov küçəsində iki yol polisi əməkdaşı - 26 yaşlı Maksim D. və 27 yaşlı Vladislav A. kafenin yaxınlığında park edilmiş avtomobildə yatmış sürücünü görüblər. 
Əməkdaşlar onun sərxoş olduğunu təxmin edərək “tələ”yə salmaq qərarına gəliblər.
Bunun üçün dostlarına üz tutan polislər ondan park yerini boşaltmaq üçün maşının oradan uzaqlaşdırmasını xahiş ediblər. 
Hərəkətə keçən polislərin “dost”u yatmış sürücünü oradan uzaqlaşdırmağa müvəfəq olub. 
Avtomobilini iki metr sürəndən sonra sürücü yol polisi əməkdaşları tərəfindən saxlanılıb. 
Polislərin “tibbi ekspertiza”sından keçən sürücüyə cərimə yazılıb və maşını müsadirə ediblər.
Zərərçəkənin şikayətindən sonra aparılmış daxili araşdırma zamanı əməkdaşların dələduzluqlarının üstü açılıb və onlara qarşı cinayət işi açılıb.

Namiq Musayev