Taksidə mübahisə qanla bitdi - Əhməd Məmmədli saxlanıldı - YENİLƏNİB

Bakıda küçədə bıçaqlanan 37 yaşlı şəxsin vəziyyəti açıqlanıb.

Avtosfer.az oxu.az-a istinadən xəbər verir ki, bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.

"Mayın 6-sı 1988-ci il təvəllüdlü şəxs (kişi cinsli) qarın boşluğunun daxilə nüfuz etmiş kəsilmiş-deşilmiş yarası diaqnozu ilə Kliniki Tibbi Mərkəzin Təcili və Təxirəsalınmaz Tibbi Yardım şöbəsinə hospitalizasiya olunub. Yaralıya zəruri tibbi xidmətlər göstərilib, daha sonra əməliyyata alınıb.

Hazırda xəstənin müalicələri davam etdirilir, vəziyyəti qənaətbəxş olaraq qiymətləndirlir".

***10:41

"D18" Hərəkatının sədri kimi tanınan Əhməd Məmmədli vətəndaşın sağlamlığına kəsici alətlə qəsdən ağır zərər vurmaqda təqsirləndirilir.

Avtosfer.az oxu.az-a istinadən xəbər verir ki, mayın 6-da gecə saatlarında Bakı şəhəri Biləcəri qəsəbəsində Ə.Məmmədli şəxsi münasibətlər zəminində 37 yaşlı Vüqar adlı şəxsə qarın nahiyəsindən bıçaqla xəsarət yetirib. O, törətdiyi əmələ görə saxlanılıb.

Tərəflər arasında münaqişə taksidə yer üstündə baş verib.

Faktla bağlı cinayət işi başlanılıb, araşdırma aparılır.

***

Bakıda kişi bıçaqlanıb.

Avtosfer.az unikal-a istinadən xəbər verir ki, hadisə ötən gün saat 22 radələrində Biləcəri qəsəbəsi ərazisində baş verib.

Belə ki, 1988-ci il təvəllüdlü Dünyamalıyev Vüqar Rasim oğlu bıçaq xəsarəti alıb.

Keçirilmiş əməliyyat axtarış tədbirləri nəticəsində hadisəni törədən şəxsin 2001-ci il təvəllüdlü Məmmədli Əhməd Vüqar oğlu olduğu müəyyən edilib. O, saxlanılıb.

Faktla bağlı cinayət işi başlanılıb.