Taxta evdə yanğın olub, ölənlər var

Rusiya Federasiyası tərkibində olan Udmurtiya Respublikasının Kambarka şəhərində bir mərtəbəli taxta evdə baş verən yanğın nəticəsində iki kişi həlak olub, bir qadın isə yaralanaraq xəstəxanaya yerləşdirilib.

Avtosfer.az xəbər verir ki, bu barədə Respublika Fövqəladə Hallar Nazirliyi məlumat yayıb.

Bildirilir ki, martın 16-da saat 06:09-da Kambarka şəhəri, Çernışevski küçəsində yerləşən bir mərtəbəli taxta evdə yanğın baş verib. Yanğın 60 kvadrat metrdən çox ərazini əhatə edib. Hadisə nəticəsində iki kişi həyatını itirib, yaralanan qadın isə İjevsk şəhər xəstəxanasına çatdırılıb.

Hazırda Rusiya Fövqəladə Hallar Nazirliyi, yanğın laboratoriyası və istintaq orqanlarının mütəxəssisləri hadisənin səbəblərini və şəraitini araşdırırlar.