Təcili Tibbi Yardım gecikdi, klub cərimələndi

AFFA İntizam Komitəsi II Liqanın XVII turunda keçirilən “Sheki City” - “Göygöl” oyununda baş verənlərlə bağlı qərarlarını açıqlayıb.

Avtosfer.az qurumun rəsmi saytına istinadən xəbər verir ki, Şəki təmsilçisinin futbolçusu Tural Məmmədzadə təcavüzkar davranışa görə birbaşa qırmızı vərəqə aldığı üçün 4 oyunluq disklafikasiya olunub. Klubu isə 300 manat cərimə edilib.

Oyuna Təcili Tibbi Yardım avtomobili təyin edilmiş vaxtdan gec gəldiyinə görə matç gec başladığı üçün klub daha 100 manat ziyana düşüb.

90+2-ci dəqiqədə “Göygöl”ün futbolçusu Sənan Həsənov ikinci sarıdan qırmızı vərəqə aldığı üçün 1 oyun cəzalanıb, klubuna isə 50 manat cərimə kəsilib.