Toy evində kütləvi dava ilə bağlı araşdırmalar başladı - AÇIQLAMA

"Ucarın Bağman kəndində dekabrın 20-si, gecə saatlarında "ciyər axşamı"nda əlbəyaxa davada iştirak edən tərəflərin izahatları alınıb və müvafiq ekspertizalar təyin edilib".
Avtosfer.az xəbər verir ki, bu barədə Daxili İşlər Nazirliyinin (DİN) Mətbuat Xidmətinin Şirvan regional qrupundan məlumat verilib.
Qeyd olunub ki, faktla bağlı Ucar Rayon Polis Şöbəsində təhqiqat araşdırmaları aparılır.
"Araşdırmaların nəticəsindən asılı olaraq məsələyə hüquqi qiymət veriləcək".