Toyda kütləvi dava zamanı 9 nəfər bıçaqlanıb

Türkiyədə toy mərasimi zamanı kütləvi davada 9 nəfər bıçaqlanıb.

Avtosfer.az-ın məlumatına görə, bu barədə “Report” yerli mətbuata istinadən xəbər verir.

Məlumata görə, hadisə Adıyamanda qeydə alınıb. Besni rayonunun, Sayörən kəndində keçirilən toy mərasimində kütləvi dava olub. Dava zamanı 9 nəfər bıçaq xəsarətləri alıb.

Hadisə yerinə gələn təcili yardım cəlb olunub, yaralılar müalicə olunmaq üçün Besni Dövlət Xəstəxanasına aparılıb.

Hüquq-mühafizə orqanlarının əməkdaşları hadisə ilə əlaqədar 15 nəfəri şübhəli şəxs qismində saxlayıb.

Hadisə ilə bağlı araşdırmalar davam edir.