Trampın təyyarəsi toqquşmadan son anda xilas oldu - VİDEO

ABŞ Prezidenti Donald Trampın təyyarəsi ilə "Spirit Airlines" aviaşirkətinə məxsus sərnişin təyyarəsi Nyu York səmasında toqquşma təhlükəsi yaşayıb. Avtosfer.az Oxu.az-a istinadla xəbər verir ki, bu barədə "Mirror" məlumat yayıb. Bildirilir ki, sərnişin təyyarəsi Böyük Britaniyaya yollanmaqda olan ABŞ prezidentinin təyyarəsinə həddindən artıq yaxınlaşıb. "Boinq 747" (Trampın təyyarəsi - red.) Nyu York üzərindən uçarkən oxşar marşrutla hərəkət edən "Spirit Airlines" aviaşirkətinin təyyarəsi aşkar edilib. Hava hərəkətini idarə edən dispetçerlər dərhal sərnişin təyyarəsinin pilotlarına təcili olaraq kursunu dəyişməyi məsləhət görüblər", - deyə nəşrdə qeyd olunur.