Türkiyədə sürücülər arasında bıçaq davası - VİDEO

İstanbulda sürücülərin arasında mübahisə baş verib.

Avtosfer.az xarici mediaya istinadən xəbər verir ki, dekabrın 15-də saat 22:30 radələrində İstanbulda  avtobusu idarə edən Tuncak Budak dayanacaqda sərnişinləri götürdükdən sonra bir sürücü maşından çıxıb və avtobusu saxlamaq üçün əlini qaldırıb.

Sürücülərin arasında "yol vermə" mövzusunda mübahisə yaranıb. Mübahisə zamanı maşın sürücüsü bıçaq götürərək avtobus sürücüsünü hədələməyə başlayıb.

Hadisənin şahidi olan sərnişinlər arasında böyük qorxu yaşanıb, bir qadın sərnişin avtobusda uşaqların olduğunu deyərək vəziyyətin gərginləşməsinin qarşısını almağa çalışıb.

Maşın sürücüsü112 Təcili Zəng Mərkəzinə zəng edərək hadisə barədə məlumat verən sərnişini hədələyib.

Bundan başqa, avtobus sürücüsü Tuncak Budak aqressiv sürücü haqqında şikayət ərizəsi ilə polis bölməsinə gedib.

(manset.az)