“Volkswagen”in güzgüsünü oğurladı, tutuldu

Sumqayıt ŞPİ-nin 2-ci Polis Bölməsinə müraciət edən şəxs Kimyaçılar qəsəbəsi ərazisində “Volkswagen” markalı avtomobilinin yan güzgülərinin oğurlandığını bildirib.

Avtosfer.az xəbər verir ki, polis əməkdaşlarının keçirdikləri tədbirlərlə oğurluq əməlini törətməkdə şübhəli bilinən O.İsmayılov müəyyən olunaraq saxlanılıb.

Həmçinin Yasamal rayonu ərazisində yerləşən binalardan ventillərin oğurlanması barədə 29-cu Polis Şöbəsinə məlumat daxil olub.

Polis əməkdaşlarının keçirdikləri tədbirlərlə oğurluq əməllərini törətməkdə şübhəli bilinən, əvvəllər narkotiklərlə əlaqəli cinayətə görə məhkum olunmuş K.Məmmədov müəyyən olunaraq saxlanılıb.

Araşdırma aparılır.